Wednesday, December 30, 2020

SSC CGL 2020 Notification: నిరుద్యోగులకు గుడ్ న్యూస్.. 6 వేలకు పైగా ఉద్యోగాల భర్తీకి నోటిఫికేషన్ జారీ!

కేంద్ర ప్రభుత్వంలోని వివిధ విభాగాల్లో గ్రూప్-బి, గ్రూప్-సి పోస్టుల భర్తీకి నిర్వహించే 'కంబైన్డ్ గ్రాడ్యుయేట్ లెవల్ ఎగ్జామినేషన్‌-2020' నోటిఫికేషన్‌ను స్థాఫ్ సెలక్షన్ కమిషన్ విడుదల చేసింది. ఏదైనా డిగ్రీ అర్హత ఉన్న అభ్యర్థులు ఈ ఉద్యోగాలకు దరఖాస్తు చేసుకోవడానికి అర్హులు. అభ్యర్థులు ఆన్‌లైన్ విధానంలో దరఖాస్తు చేసుకోవాల్సి ఉంటుంది. మొత్తం నాలుగు దశల్లో (టైర్-1,టైర్-2, టైర్-3, టైర్‌-4) అభ్యర్థుల ఎంపిక ఉంటుంది.

వివరాలు..

* కంబైన్డ్ గ్రాడ్యుయేట్ లెవల్ ఎగ్జామినేషన్‌-2020

మొత్తం ఖాళీలు: 6,506

1) గ్రూప్-బి గెజిటెడ్: 250

2) గ్రూప్-బి నాన్ గెజిటెడ్‌: 3513

3) గ్రూప్-సి: 2743

పోస్టులు..
➥ అసిస్టెంట్ ఆడిట్ ఆఫీసర్
➥ అసిస్టెంట్ అకౌంట్స్ ఆఫీసర్
➥ అసిస్టెంట్ సెక్షన్ ఆఫీసర్స్
➥ అసిస్టెంట్
➥ ఇన్‌కమ్ ట్యాక్స్ ఇన్‌స్పెక్టర్
➥ ఇన్‌స్పెక్టర్ (ప్రివెంటివ్ ఆఫీసర్)
➥ ఇన్‌స్పెక్టర్ (ఎగ్జామినర్)
➥ అసిస్టెంట్ ఎన్‌ఫోర్స్‌మెంట్ ఆఫీసర్
➥ సబ్ ఇన్‌స్పెక్టర్ (CBI)
➥ ఇన్‌స్పెక్టర్ (పోస్టల్ శాఖ)
➥ ఇన్‌స్పెక్టర్ (నార్కోటిక్స్)
➥ అసిస్టెంట్ సూపరింటెండెంట్
➥ డివిజనల్ అకౌంటెంట్
➥ సబ్ ఇన్‌స్పెక్టర్ (CBI/ CBN)
➥ జూనియర్ స్టాటిస్టికల్ ఆఫీసర్
➥ స్టాటిస్టికల్ ఇన్వెస్టిగేటర్
➥ ఆడిటర్
➥ అకౌంటెంట్
➥ అకౌంటెంట్/ జూనియర్ అకౌంటెంట్
➥ సీనియర్ సెక్రటేరియట్ అసిస్టెంట్/ అప్పర్ డివిజన్ క్లర్క్
➥ ట్యాక్స్ అసిస్టెంట్
➥ అప్పర్ డివిజన్ క్లర్క్

అర్హత: ఏదైనా డిగ్రీ. ఆడిట్ ఆఫీసర్/ అకౌంట్స్ ఆఫీసర్ పోస్టులకు సీఏ/ సీఎంఏ/ సీఎస్/ పీజీ డిగ్రీ (కామర్స్/ఎకనామిక్స్/బిజినెస్ స్టడీస్)/ఎంబీఏ (ఫైనాన్స్) అర్హత ఉండాలి.

వయోపరిమితి: 01.01.2021 నాటికి కొన్ని పోస్టులకు 18-27 సంవత్సరాలు, కొన్ని పోస్టులకు 20-27 సంవత్సరాల మధ్య ఉండాలి. మరికొన్ని పోస్టులకు 30 - 32 సంవత్సరాలకు మించకూడదు.

దరఖాస్తు విధానం: ఆన్‌లైన్ ద్వారా.

ఎంపిక విధానం: టైర్-1, టైర్-2, టైర్-3, టైర్-4 పరీక్షల ద్వారా.

పరీక్ష విధానం..

* టైర్‌-1: క‌ంప్యూట‌ర్ బేస్డ్ టెస్ట్‌

* టైర్‌-2: క‌ంప్యూట‌ర్ బేస్డ్ టెస్ట్‌

* టైర్‌-3: పెన్ అండ్ పేప‌ర్ విధానంలో(డిస్క్రిప్టివ్ పేప‌ర్‌)

* టైర్‌-4: క‌ంప్యూట‌ర్ ప్రోఫిషియ‌న్సీ టెస్ట్‌/ డేటా ఎంట్రీ స్కిల్ టెస్ట్‌.

దర‌ఖాస్తు ఫీజు: ఇత‌రుల‌కు రూ.100, ఎస్సీ/ ఎస్టీ/ స్త్రీ/ దివ్యాంగులు/ ఎక్స్ స‌ర్వీస్‌మెన్ అభ్యర్థుల‌కు ఫీజు లేదు.

ముఖ్యమైన తేదీలు:

‣ ఆన్‌లైన్ ద‌ర‌ఖాస్తు ప్రక్రియ: 29.12.2020 నుంచి 31.01.2021 వరకు.

‣ ఆన్‌లైన్ పేమెంట్ చెల్లింపున‌కు చివ‌రితేది: 02.02.2021.

‣ ఆఫ్‌లైన్ పేమెంట్ (చ‌లాన్ ద్వారా) చెల్లింపున‌కు చివరితేది: 04.02.2021.

‣ టైర్‌-1 ప‌రీక్ష ‌తేది: 29.05.2021 నుంచి 07.06.2021 వ‌ర‌కు.

‣ టైర్‌-2 ‌ప‌రీక్ష ‌తేది: వెల్లడించాల్సి ఉంది.




Website

Monday, December 21, 2020

APSWREIS Staff Nurses Recruitment | ఏపీలో స్టాఫ్ న‌ర్స్ పోస్టులు.. జీతమెంతంటే?

 


ఏపీ సోష‌ల్ వెల్ఫేర్ రెసిడెన్షియ‌ల్ ఎడ్యుకేష‌నల్ ఇన్‌స్టిట్యూష‌న్స్ సొసైటీ (APSWREIS) పాఠ‌శాలల్లో పార్ట్ టైం ప్రాతిప‌దిక‌న ప‌నిచేయ‌డానికి స్టాఫ్ట్ న‌ర్సు పోస్టుల భ‌ర్తీకి ద‌రఖాస్తులు కోరుతోంది.

వివ‌రాలు..

* స్టాఫ్ న‌ర్సు పోస్టులు

ఖాళీల సంఖ్య: 17

వ‌య‌సు: 20-35 సంవత్సరాల మ‌ధ్య ఉండాలి. ఎస్సీ/ఎస్టీ అభ్యర్థుల‌కు వయోపరిమితిలో ఐదేళ్ల స‌డ‌లింపు వర్తిస్తుంది.

అర్హత‌: ఏపీ స్టేట్ న‌ర్సింగ్ కౌన్సిల్‌లో రిజిస్టర్ అయిన సంస్థలు/ యూనివ‌ర్సిటీల నుంచి బీఎస్సీ(న‌ర్సింగ్‌) గ్రాడ్యుయేష‌న్ ఉత్తీర్ణత‌తో పాటు రెండేళ్ల అనుభ‌వం ఉండాలి. బీఎస్సీ(న‌ర్సింగ్‌) అభ్యర్థుల‌తో ఖాళీలు భ‌ర్తీకాని పక్షంలో ఏపీ న‌ర్సింగ్ అండ్ మిడ్‌వైవ్స్ కౌన్సిల్‌లో రిజిస్టర్ అయిన న‌ర్సింగ్ కాలేజ్‌/ యూనివ‌ర్సిటీ నుంచి జ‌న‌ర‌ల్ న‌ర్సింగ్ అండ్ మిడ్‌వైఫ‌రీ(జీఎన్ఎం)కోర్సులో ఉత్తీర్ణత‌తో పాటు మూడేళ్ల అనుభ‌వం ఉండాలి.

ద‌ర‌ఖాస్తు విధానం: అర్హులైన అభ్యర్థులు సంబంధిత మెయిల్‌కు తమ రెజ్యూమ్‌లను పంపించాల్సి ఉంటుంది.

ఎంపిక విధానం: వాక్ఇన్ టెస్ట్ అండ్ ఇంట‌ర్వ్యూ ఆధారంగా.

షెడ్యూలు: 29.12.2020, ఉదయం 10 గం.

జీత‌భ‌త్యాలు: నెల‌కు రూ.12,900 (క‌న్సాలిడేటెడ్‌) చెల్లిస్తారు.

ప‌నిప్రదేశం: ఆధ్రప్రదేశ్‌లోని వివిధ జిల్లాల్లో ఉన్న ఏపీఎస్‌డ‌బ్ల్యూఆర్ఈఐఎస్ పాఠ‌శాలల్లో ప‌ని చేయాలి.

ద‌ర‌ఖాస్తు ఫీజు: ఎలాంటి ఫీజు లేదు.

ఈమెయిల్: apswreishealth@gmail.com

ద‌ర‌ఖాస్తుకు చివ‌రితేది: 28.12.2020 సాయంత్రం 5 గంట‌ల లోపు పంపించాలి.


Notification

Website

INTELLIGENCE BUREAU RECRUITMENT 2020 | ఇంటెలిజెన్స్ బ్యూరోలో 2000 ఖాళీలు


భార‌త ప్రభుత్వ హోంమంత్రిత్వశాఖ‌కు చెందిన ఇంటెలిజెన్స్ బ్యూరో(ఐబీ) జ‌న‌ర‌ల్ సెంట్రల్ స‌ర్వీస్ విభాగానికి చెందిన కింది గ్రూప్-సి (నాన్ గెజిటెడ్‌, నాన్ మినిస్టీరియ‌ల్‌) పోస్టుల భ‌ర్తీకి ద‌ర‌ఖాస్తులు కోరుతోంది.

వివ‌రాలు..


* అసిస్టెంట్ సెంట్రల్ ఇంటెలిజెన్స్ ఆఫీస‌ర్ (ఏసీఐఓ) (గ్రేడ్‌-2)/ ఎగ్జిక్యూటివ్


ఖాళీల సంఖ్య: 2000


కేట‌గిరీల వారీగా ఖాళీలు..

అన్‌రిజ‌ర్వ్‌డ్ ‌ - 989

ఈడ‌బ్ల్యూఎస్‌ - 113

ఓబీసీ - 417

ఎస్సీ - 360

ఎస్టీ - 121


అర్హత‌: ఏదైనా గ్రాడ్యుయేష‌న్‌/ త‌త్సమాన ఉత్తీర్ణత‌.


వ‌య‌సు: 18-27 ఏళ్ల మ‌ధ్య ఉండాలి. ఎస్సీ/ ఎస్టీల‌కు ఐదేళ్లు, ఓబీసీల‌కు మూడేళ్లు గ‌రిష్ఠ వ‌య‌సులో స‌డ‌లింపు ఉంటుంది.


దరఖాస్తు విధానం: ఆన్‌లైన్ ద్వారా.


ఎంపిక విధానం:  రాత ప‌రీక్ష(ఆన్‌లైన్‌), ఇంట‌ర్వ్యూ ఆధారంగా.


ప‌రీక్షా విధానం: 

టైర్‌-1: ఆన్‌లైన్ ప‌ద్ధతిలో టైర్‌-1 ప‌రీక్ష ఉటుంది. దీనిని 100 మార్కుల‌కు ఆబ్జెక్టివ్ ప‌ద్ధతిలో నిర్వహిస్తారు. దీన్ని 5 విభాగాలుగా విభ‌జించి విభాగానికి 20 ప్రశ్నల చొప్పున(ఒక్కో ప్రశ్నకు ఒక్కో మార్కు) ఇస్తారు. ప‌రీక్షా స‌మ‌యం ఒక గంట‌. జ‌న‌ర‌ల్ అవేర్‌నెస్‌, క్వాంటిటేటివ్ అప్టిట్యూడ్‌, న్యూమ‌రిక‌ల్‌/ అన‌లైటిక‌ల్‌/ లాజిక‌ల్ ఎబిలిటీ అండ్ రీజనింగ్‌, ఇంగ్లిష్ లాంగ్వేజ్‌, జ‌న‌ర‌ల్ స్టడీస్ అంశాల నుంచి ప్రశ్నలు అడుగుతారు.

టైర్‌-2: డిస్క్రిప్టివ్ ప‌ద్ధతిలో టైర్‌-2 పరీక్ష ఉంటుంది. దీన్ని మొత్తం 50 మార్కుల‌కు నిర్వహిస్తారు. ఇందులో 30 మార్కుల‌కు ఎస్సై రైటింగ్ ఉంటుంది. మిగిలిన 20 మార్కుల‌కు ఇంగ్లిష్ కాంప్రహెన్షన్ అండ్ ప్రేజెస్ రైటింగ్ ఉంటాయి. దీనికి ప‌రిక్షా స‌మ‌యం ఒక గంట‌గా కేట‌యించారు.

టై‌ర్‌-3: ఇందులో ఇంట‌ర్వ్యూ ఉంటుంది. దీన్ని మొత్తం 100 మార్కుల‌కు నిర్వహిస్తారు.

* దీనికి నెగిటివ్ మార్కింగ్ ఉంటుంది. ప్రతి త‌ప్పు స‌మాధానానికి 0.25 మార్కులు కోత విధిస్తారు. 


తెలుగు రాష్ట్రాల్లో ప‌రీక్షా కేంద్రాలు: హైద‌రాబాద్‌, క‌రీంన‌గ‌ర్‌, వ‌రంగ‌ల్‌, గుంటూరు, కాకినాడ‌, క‌ర్నూలు, నెల్లూరు, రాజ‌మండ్రి, తిరుప‌తి, విజ‌య‌వాడ‌, విశాఖ‌ప‌ట్నం, విజ‌య‌న‌గ‌రం.

* అభ్యర్థులు గ‌రిష్ఠంగా మూడు ప‌రీక్షా కేంద్రాలు ఎంపిక చేసుకోవాల్సి ఉంటుంది.


ముఖ్యమైన తేదీలు..

ఆన్‌లైన్ దరఖాస్తు ప్రక్రియ ప్రారంభం: 19.12.2020

ఆన్‌లైన్ ద్వారా ఫీజు చెల్లింపు, దరఖాస్తుకు చివరితేది: 09.01.2021

SBI చలనా రూపంలో ఫీజు చెల్లించడానికి చివరితేది: 12.01.2021


Notification


Online Application


WEBSITE

Sunday, December 6, 2020

Airports Authority of India Recruitment 2020 | ఏఏఐలో 368 మేనేజ‌ర్‌, జూనియ‌ర్ ఎగ్జిక్యూటివ్ పోస్టులు


న్యూఢిల్లీలోని ఎయిర్‌పోర్ట్స్ అథారిటీ ఆఫ్ ఇండియా (ఏఏఐ) వివిద ఉద్యోగాల భ‌ర్తీకి ద‌ర‌ఖాస్తులు కోరుతోంది.

వివ‌రాలు..

* మొత్తం ఖాళీలు: 368

1) మేనేజ‌ర్: 13

2) జూనియ‌ర్ ఎగ్జిక్యూటివ్: 355

విభాగాలు: ఫైర్ స‌ర్వీస్‌, టెక్నిక‌ల్‌, ఎయిర్ ట్రాఫిక్ కంట్రోల్‌, ఎయిర్‌పోర్ట్ ఆప‌రేష‌న్స్‌, టెక్నిక‌ల్‌.

అర్హ‌త‌: పోస్టును అనుస‌రించి సంబంధిత స‌బ్జెక్టుల్లో బ్యాచిల‌ర్స్ డిగ్రీ, బీఈ/ బీటెక్‌, ఎంబీఏ ఉత్తీర్ణ‌త‌, మేనేజ‌ర్ స్థాయి పోస్టులకు అనుభ‌వం అవ‌స‌రం, జూనియ‌ర్ ఎగ్జిక్యూటివ్ స్థాయి పోస్టులకు అనుభ‌వం అవ‌సరం లేదు.

వ‌య‌సు: 30.11.2020 నాటికి మేనేజ‌ర్‌-32 ఏళ్లు, జూనియ‌ర్ ఎగ్జిక్యూటివ్ 27 ఏళ్లు మించి ఉండ‌కూడ‌దు.

ఎంపిక విధానం: ఆన్‌లైన్ టెస్ట్‌, డాక్యుమెంట్ వెరిఫికేష‌న్/ ఇంట‌ర్వ్యూ/ ఫిజిక‌ల్ మెజ‌ర్‌మెంట్‌, ఎండ్యూరెన్స్ టెస్ట్‌/ డ్రైవింగ్ టెస్ట్‌/ వాయిస్ టెస్ట్ ఆధారంగా.

ద‌ర‌ఖాస్తు విధానం: ఆన్‌లైన్‌.

ద‌ర‌ఖాస్తు ప్ర‌క్రియ ప్రారంభం: 15.12.2020.

ద‌ర‌ఖాస్తుకు చివ‌రి తేది: 14.01.2021.


Notification



Tuesday, November 24, 2020

Today Gold Rate | గుడ్ న్యూస్.. భారీగా తగ్గిన బంగారం, వెండి ధరలు


బులియన్ మార్కెట్‌లో బంగారం, వెండి ధరలు భారీగా దిగొచ్చాయి. బంగారం ధరలు దాదాపు రూ.1000 వరకు పతనం కాగా.. వెండి ధర ఏకంగా రూ.2000 పైగా తగ్గింది. హైదరాబాద్‌లో బంగారం ధరలు భారీగా తగ్గుదల నమోదు చేశాయి.

పది గ్రాముల 22 క్యారెట్ల బంగారం ధర రూ 900 రూపాయల తగ్గుదల నమోదు చేసి రూ.46,200 రూపాయల వద్ద కొనసాగుతుండగా.. 24 క్యారెట్ల బంగారం ధర 10 గ్రాములకు రూ.980 కిందికి దిగివచ్చింది. దీంతో రూ.50,400 వద్ద ట్రేడ్ అవుతోంది. విజయవాడ, విశాఖపట్నంలలో కూడా బంగారం ధరలు ఇదే విధంగా ఉన్నాయి.

బంగారంతోపాటు వెండి ధరలు కూడా భారీ తగ్గుదల నమోదు చేశాయి. పారిశ్రామిక వర్గాలు, నాణేపు తయారీదారుల నుంచి డిమాండ్ మందగించడంతో.. కిలో వెండి ధర రూ.2200 తగ్గింది. దీంతో వెండి ధర కిలోకు రూ.64,500 వద్ద కొనసాగుతోంది.

ఢిల్లీలో ఇలా..
మరోవైపు ఢిల్లీలో కూడా బంగారం ధరలు భారీగా తగ్గాయి. ఢిల్లీలో 22 క్యారెట్ల 10 గ్రాముల బంగారం ధర మంగళవారం నాటి ప్రారంభ ధర కంటె 900 రూపాయలు తగ్గింది. దీంతో 48,250 రూపాయల వద్దకు చేరుకుంది. ఇక 10 గ్రాముల 24 క్యారెట్ల బంగారం ధర కూడా మంగళవారం నాటి ప్రారంభ ధర కంటె 980 రూపాయలు తగ్గుదల కనబరిచింది. దీంతో 52,630 రూపాయల వద్దకు చేరుకుంది.

ఇక ఢిల్లీలో వెండి ధరల విషయానికి వస్తే, ఇక్కడ వెండి ధరలు భారీగా తగ్గాయి. కేజీ వెండి ధర మంగళవారం నాటి ప్రారంభ ధరతొ పోలిస్తే 2000 రూపాయలు తగ్గుదల నమోదు చేసింది. దీంతో 60 వేల రూపాయల స్థాయిలో వెండి ధరలు నిలిచాయి. దీంతో కేజీ వెండి ధర 60,000 రూపాయల వద్దకు పడిపోయింది.

అంతర్జాతీయంగా ఇలా..
అంతర్జాతీయ మార్కెట్‌లో బంగారం ధర పెరిగింది. మరోవైపు వెండి ధరలు దిగొచ్చాయి. బంగారం ధర ఔన్స్‌కు 0.07 శాతం పెరుగుదలతో 1805 డాలర్లకు చేరగా.. వెండి ధర ఔన్స్‌కు 0.08 శాతం క్షీణించి 23.28 డాలర్ల వద్ద కొనసాగుతోంది.

మరిన్ని బిజినెస్ వార్తల కోసం క్లిక్ చేయండి..

Friday, November 6, 2020

TS LAWCET- 2020 Results Released | టీఎస్ లాసెట్ ఫ‌లితాలు విడుదల.. ఇక్కడ చూసుకోండి



TS LAWCET 2020 Result: తెలంగాణలోని లా కళాశాలల్లో ప్రవేశాలకు నిర్వహించిన టీఎస్ లాసెట్ పరీక్ష ఫలితాలు శుక్రవారం వెలువడ్డాయి. రాష్ట్ర ఉన్నత విద్యామండ‌లి చైర్మన్ పాపిరెడ్డి మ‌ధ్యాహ్నం 3 గంట‌ల‌కు ఫ‌లితాల‌ను ప్రక‌టించారు. లాసెట్‌తోపాటు ఎల్ఎల్ఎం కోర్సుల్లో ప్రవేశాల‌కోసం నిర్వహించిన పీజీఎల్‌సెట్ ఫ‌లితాలను కూడా విడుదల చేశారు. 
Official Website

లాసెట్ ఫలితాల కోసం క్లిక్ చేయండి..

మూడేళ్ల లాసెట్‌లో 78.60 శాతం ఉత్తీర్ణులు కాగా.. ఐదేళ్ల లాసెట్లో 62.35 శాతం, పీజీఎల్‌ సెట్‌లో 91.04 శాతం ఉత్తీర్ణత నమోదయినట్లు పాపిరెడ్డి వెల్లడించారు. మూడేళ్ల లాసెట్‌లో సీహెచ్. స్నేహశ్రీ మొదటి ర్యాంకు సాధించారు. ఐదేళ్ల లాసెట్‌లో ఎస్ఎస్‌కే. పాంచజన్య, పీజీఎల్‌సెట్‌లో  టి.ప్రవల్లి మొదటి ర్యాంకులు సాధించినట్లు తెలిపారు.

కరోనా నిబంధనల మధ్య అక్టోబ‌ర్ 9న లాసెట్ ప్రవేశపరీక్ష నిర్వహించిన సంగతి తెలిసిందే. ఉస్మానియా విశ్వవిద్యాల‌యం పరీక్షలు నిర్వహించింది. ఈ పరీక్షకు రాష్ట్రవ్యాప్తంగా మొత్తం 30,310 మంది అభ్యర్థులు ద‌ర‌ఖాస్తు చేసుకోగా.. 21,559 మంది ప‌రీక్షకు హాజ‌ర‌య్యారు. లాసెట్ ప‌రీక్ష ద్వారా మూడేళ్ల ఎల్ఎల్‌బీ, ఐదేళ్ల ఎల్ఎల్‌బీ ఆన‌ర్స్ కోర్సుల్లో ప్రవేశాలు క‌ల్పిస్తారు. 

Tuesday, October 27, 2020

TS EdCET Results 2020 | తెలంగాణ ఎడ్‌సెట్ ఫలితాలు విడుదల


 తెలంగాణ స్టేట్ ఎడ్యుకేషన్ కామన్ ఎంట్రెన్స్ టెస్ట్ (టీఎస్‌ ఎడ్‌సెట్‌)- 2020 ఫ‌లితాలు బుధవారం (అక్టోబర్ 28‌) విడుదలయ్యాయి. ఓయూ ప్రాంగణంలోని యూనివ‌ర్సిటీ కాలేజీ ఆఫ్ ఎడ్యూకేష‌న్ కాన్ఫరెన్స్ హాల్‌లో ఉదయం 11.30 గంటలకు రాష్ట్ర ఉన్నత విద్యామండలి చైర్మన్‌ పాపిరెడ్డి  ఫలితాలు విడుదల చేశారు. ఫలితాలను అధికారిక వెబ్‌సైట్‌లో అందబాటులో ఉంచారు. అభ్యర్థులు వెబ్‌సైట్‌లో తమ ఫలితాలను చూసుకోవచ్చు.

ఎడ్‌సెట్ ప్ర‌వేశ ప‌రీక్ష‌లో 97.58 శాతం మంది విద్యార్థులు అర్హ‌త సాధించార‌ని ఛైర్మన్ పాపిరెడ్డి తెలిపారు. ఈ ఫ‌లితాల్లో అమ్మాయిలు 76.07 శాతం ఉత్తీర్ణ‌త సాధించారు. న‌వంబ‌ర్ మొద‌టి వారంలో కౌన్సెలింగ్ షెడ్యూల్ విడుద‌ల చేస్తామ‌న్నారు. 206 బీఈడీ కాలేజీల్లో 18 వేల సీట్లు అందుబాటులో ఉన్నాయ‌ని ఆయన తెలిపారు.

రాష్ట్రంలోని బీఎడ్ కాలేజీల్లో ప్రవేశాల కోసం ఉస్మానియా యూనివర్సిటీ అక్టోబర్‌ 1, 3 తేదీల్లో ప్రవేశ పరీక్ష నిర్వహించిన విషయం తెలిసిందే. తెలంగాణ వ్యాప్తంగా 30,600 మంది అభ్యర్థులు ఈ ప‌రీక్షకు హాజ‌ర‌య్యారు. అభ్యర్థుల ర్యాంకుల ఆధారంగా కళాశాలలను కేటాయించనున్నారు. వాస్తవానికి అక్టోబరు 21న ఎడ్‌సెట్ ఫలితాలను వెల్లడించాల్సి ఉండగా.. భారీ వర్షాల కారణంగా అక్టోబరు 28కి వాయిదా వేశారు.


Monday, October 12, 2020

CBSE 'క్లాస్-10' కంపార్ట్‌మెంట్ ఫ‌లితాలు విడుద‌ల‌


* 56.55 శాతం మంది ఉత్తీర్ణత

సీబీఎస్‌ఈ ప‌దోత‌ర‌గ‌తి కంపార్ట్‌మెంట్ ప‌రీక్షల ఫ‌లితాల‌ను సెంట్రల్ బోర్డ్ ఆఫ్ సెకండ‌రీ ఎడ్యుకేష‌న్ విడుద‌ల చేసింది. ఫలితాల్లో మొత్తం 56.55 శాతం మంది విద్యార్థులు ఉత్తీర్ణుల‌య్యారు.

ప‌రీక్షకు మొత్తం 1,57,866 మంది విద్యార్థులు ద‌ర‌ఖాస్తు చేసుకోగా.. 1,49,726 మంది విద్యార్థులు ప‌రీక్షకు హాజ‌ర‌య్యారు. ఇందులో 82,903 మంది విద్యార్థులు ఉత్తీర్ణుల‌య్యార‌ని సీబీఎస్సీ ప్రక‌టించింది. ప‌రీక్ష రాసిన విద్యార్థులు ఫ‌లితాల‌ను వెబ్‌‌సైట్ ద్వారా చూసుకోవ‌చ్చు.

ఫలితాల కోసం క్లిక్ చేయండి..

దేశ‌వ్యాప్తంగా 1248 కేంద్రాల్లో సెప్టెంబ‌ర్ 22 నుంచి 30 వ‌ర‌కు కంపార్ట్‌మెంట్ ప‌రీక్షలు జ‌రిగాయి. ఫ‌లితాల‌ను 12 రోజుల వ్యవధిలోనే విడుద‌ల చేశారు. కాగా, సీబీఎస్సీ ప‌దో త‌ర‌గ‌తి ఫ‌లితాల‌ను జూలై 15న ప్రకటించింది.

అందులో 91.46 శాతం మంది విద్యార్థులు ఉత్తీర్ణుల‌య్యారు. అక్టోబరు 9న సీబీఎస్‌ఈ 12వ తరగతి కంపార్ట్‌మెంట్ ఫలితాలను వెల్లడించిన సంగతి తెలిసిందే. తాజాగా 10వ తరగతి కంపార్ట్‌మెంట్ ఫలితాలను వెల్లడించింది.

Friday, October 9, 2020

APEAMCET 2020 Toppers List | ఏపీ ఎంసెట్ టాపర్ల వివరాలు



ఏపీ ఎంసెట్ (AP EAMCET 2020 Result)‌ ఫలితాలు విడుదలయ్యాయి. విజయవాడలో ఏపీ విద్యాశాఖ మంత్రి ఆదిమూలపు సురేశ్ శనివారం (అక్టోబరు10) ఎంసెట్ ఫలితాలను విడుదల చేశారు.

లాక్‌డౌన్ కారణంగా కరోనా నిబంధనలు పాటిస్తూ ఎంసెట్ పరీక్షలను గత నెల సెప్టెంబర్‌లో రాష్ట్ర ప్రభుత్వం నిర్వహించిన సంగతి తెలిసిందే.

ఎంసెట్ 2020 (AP EAMCET) ఇంజినీరింగ్‌కు సుమారు 1,85,946 మంది దరఖాస్తు చేసుకోగా.. 84. 38 శాతం(సుమారు 1,56,899) మంది విద్యార్ధులు పరీక్షలకు హాజరయ్యారు. ఇక అగ్రికల్చర్, ఫార్మసీ పరీక్షలకు 87,652 మంది దరఖాస్తు చేసుకోగా.. 75,834 మంది పరీక్షలు రాశారు.

ఎంసెట్ ఇంజినీరింగ్ టాప్-10 ర్యాంకర్లు..

1వ ర్యాంకు: వావిలపల్లి సాయినాథ్‌(విశాఖ)

2వ ర్యాంకు: కుమార్‌ సత్యం(హైదరాబాద్)

3వ ర్యాంకు: గంగుల భువన్‌రెడ్డి(ప్రొద్దుటూరు)

4వ ర్యాంకు: ఎం.లిఖిత్‌రెడ్డి(రంగారెడ్డి)

5వ ర్యాంకు: సీహెచ్‌ కౌశల్‌కుమార్‌ రెడ్డి(సికింద్రాబాద్)

6వ ర్యాంకు: కె.వి.దత్త శ్రీహర్ష(రాజమహేంద్రవరం)

7వ ర్యాంకు: వారణాసి సాయితేజ(రంగారెడ్డి)

8వ ర్యాంకు: హార్దిక్‌ రాజ్‌పాల్‌ (రంగారెడ్డి)

9వ ర్యాంకు: కొత్తకోట కృష్ణసాయి(శ్రీకాకుళం)

10వ ర్యాంకు: జితేంద్ర (విజయనగరం)

అగ్రికల్చర్‌, మెడిసిన్‌లో ర్యాంకర్లు వీరే..

1వ ర్యాంకు: చైతన్య సింధు(తెనాలి)

2వ ర్యాంకు: లక్ష్మి సామయి మారుతి (తాడికొండ)

3వ ర్యాంకు:మనోజ్‌ కుమార్ (తిరుపతి)

4వ ర్యాంకు: దరశి విష్ణుసాయి( నెల్లూరు)

5వ ర్యాంకు: సుభాంగ్ ( హైదరాబాద్)

6వ ర్యాంకు: హవీష్‌రెడ్డి(హైదరాబాద్)

7వ ర్యాంకు: లిఖిత (కడప)

8వ ర్యాంకు: జడ వెంకటవినయ్(వేంపల్లి)

9వ ర్యాంకు: నితిన్ వర్మ(కర్నూలు)

10వ ర్యాంకు: రేవంత్ (గుంటూరు)

AP EAMCET Results | ఏపీఎంసెట్ ఫలితాలు వెల్లడి.. ఉత్తీర్ణత వివరాలు ఇలా


ఏపీ ఎంసెట్‌–2020 ఫలితాలు శనివారం విడుదల అయ్యాయి. రాష్ట్రంలో ఇంజనీరింగ్, అగ్రికల్చర్, ఫార్మా తదితర కోర్సుల్లో ప్రవేశాల కోసం నిర్వహించిన ఏపీ ఎంసెట్ ఫలితాలను విద్యాశాఖ మంత్రి ఆదిమూలపు సురేష్‌ విడుదల చేశారు. ఇంజినీరింగ్‌లో 84.78 శాతం, అగ్రికల్చర్‌, మెడిసిన్‌ విభాగంలో 91.77 శాతం ఉత్తీర్ణత సాధించినట్లు మంత్రి వెల్లడించారు. విద్యార్థుల మొబైల్‌ నంబర్లకు కూడా ర్యాంకుల వివరాలు వస్తాయని మంత్రి ఆదిమూలపు సురేష్‌ తెలిపారు. విద్యార్థులు ఎంసెట్‌ ఫలితాలను వెబ్‌సైట్‌లో చూసుకోవచ్చు

ఆన్‌లైన్‌ (సీబీటీ) విధానంలో జరిగిన ఈ పరీక్షలను హైదరాబాద్‌తో పాటు ఏపీలోని మొత్తం 47 నగరాల్లో 118 కేంద్రాల్లో నిర్వహించారు. గత నెల సెప్టెంబర్‌ 17వ తేదీ నుంచి 25 వరకు ఉదయం, మధ్యాహ్నం మొత్తం 14 సెషన్లలో పరీక్షలు జరిగాయి. 9 సెషన్లలో జరిగిన ఇంజనీరింగ్‌ విభాగానికి 1,85,946 మంది దరఖాస్తు చేయగా 1,56,899 మంది (84.38 శాతం) పరీక్ష రాశారు. ఈనెల 23వ తేదీ నుంచి 25 వరకు అగ్రి, మెడికల్‌ విభాగం పరీక్షలు జరగ్గా మొత్తం 87,652 మందికి గాను 75,834 (86.52%) మంది హాజరయ్యారు. ఇంజనీరింగ్‌ విభాగంతో  1,33,066 మంది విద్యార్థులు, అగ్రికల్చర్‌, మెడిసిన్ విభాగంలో 69,616 మంది విద్యార్థులు ఉత్తీర్ణత సాధించారు.

ఫలితాల కోసం క్లిక్ చేయండి..