Monday, October 12, 2020

CBSE 'క్లాస్-10' కంపార్ట్‌మెంట్ ఫ‌లితాలు విడుద‌ల‌


* 56.55 శాతం మంది ఉత్తీర్ణత

సీబీఎస్‌ఈ ప‌దోత‌ర‌గ‌తి కంపార్ట్‌మెంట్ ప‌రీక్షల ఫ‌లితాల‌ను సెంట్రల్ బోర్డ్ ఆఫ్ సెకండ‌రీ ఎడ్యుకేష‌న్ విడుద‌ల చేసింది. ఫలితాల్లో మొత్తం 56.55 శాతం మంది విద్యార్థులు ఉత్తీర్ణుల‌య్యారు.

ప‌రీక్షకు మొత్తం 1,57,866 మంది విద్యార్థులు ద‌ర‌ఖాస్తు చేసుకోగా.. 1,49,726 మంది విద్యార్థులు ప‌రీక్షకు హాజ‌ర‌య్యారు. ఇందులో 82,903 మంది విద్యార్థులు ఉత్తీర్ణుల‌య్యార‌ని సీబీఎస్సీ ప్రక‌టించింది. ప‌రీక్ష రాసిన విద్యార్థులు ఫ‌లితాల‌ను వెబ్‌‌సైట్ ద్వారా చూసుకోవ‌చ్చు.

ఫలితాల కోసం క్లిక్ చేయండి..

దేశ‌వ్యాప్తంగా 1248 కేంద్రాల్లో సెప్టెంబ‌ర్ 22 నుంచి 30 వ‌ర‌కు కంపార్ట్‌మెంట్ ప‌రీక్షలు జ‌రిగాయి. ఫ‌లితాల‌ను 12 రోజుల వ్యవధిలోనే విడుద‌ల చేశారు. కాగా, సీబీఎస్సీ ప‌దో త‌ర‌గ‌తి ఫ‌లితాల‌ను జూలై 15న ప్రకటించింది.

అందులో 91.46 శాతం మంది విద్యార్థులు ఉత్తీర్ణుల‌య్యారు. అక్టోబరు 9న సీబీఎస్‌ఈ 12వ తరగతి కంపార్ట్‌మెంట్ ఫలితాలను వెల్లడించిన సంగతి తెలిసిందే. తాజాగా 10వ తరగతి కంపార్ట్‌మెంట్ ఫలితాలను వెల్లడించింది.

Friday, October 9, 2020

APEAMCET 2020 Toppers List | ఏపీ ఎంసెట్ టాపర్ల వివరాలు



ఏపీ ఎంసెట్ (AP EAMCET 2020 Result)‌ ఫలితాలు విడుదలయ్యాయి. విజయవాడలో ఏపీ విద్యాశాఖ మంత్రి ఆదిమూలపు సురేశ్ శనివారం (అక్టోబరు10) ఎంసెట్ ఫలితాలను విడుదల చేశారు.

లాక్‌డౌన్ కారణంగా కరోనా నిబంధనలు పాటిస్తూ ఎంసెట్ పరీక్షలను గత నెల సెప్టెంబర్‌లో రాష్ట్ర ప్రభుత్వం నిర్వహించిన సంగతి తెలిసిందే.

ఎంసెట్ 2020 (AP EAMCET) ఇంజినీరింగ్‌కు సుమారు 1,85,946 మంది దరఖాస్తు చేసుకోగా.. 84. 38 శాతం(సుమారు 1,56,899) మంది విద్యార్ధులు పరీక్షలకు హాజరయ్యారు. ఇక అగ్రికల్చర్, ఫార్మసీ పరీక్షలకు 87,652 మంది దరఖాస్తు చేసుకోగా.. 75,834 మంది పరీక్షలు రాశారు.

ఎంసెట్ ఇంజినీరింగ్ టాప్-10 ర్యాంకర్లు..

1వ ర్యాంకు: వావిలపల్లి సాయినాథ్‌(విశాఖ)

2వ ర్యాంకు: కుమార్‌ సత్యం(హైదరాబాద్)

3వ ర్యాంకు: గంగుల భువన్‌రెడ్డి(ప్రొద్దుటూరు)

4వ ర్యాంకు: ఎం.లిఖిత్‌రెడ్డి(రంగారెడ్డి)

5వ ర్యాంకు: సీహెచ్‌ కౌశల్‌కుమార్‌ రెడ్డి(సికింద్రాబాద్)

6వ ర్యాంకు: కె.వి.దత్త శ్రీహర్ష(రాజమహేంద్రవరం)

7వ ర్యాంకు: వారణాసి సాయితేజ(రంగారెడ్డి)

8వ ర్యాంకు: హార్దిక్‌ రాజ్‌పాల్‌ (రంగారెడ్డి)

9వ ర్యాంకు: కొత్తకోట కృష్ణసాయి(శ్రీకాకుళం)

10వ ర్యాంకు: జితేంద్ర (విజయనగరం)

అగ్రికల్చర్‌, మెడిసిన్‌లో ర్యాంకర్లు వీరే..

1వ ర్యాంకు: చైతన్య సింధు(తెనాలి)

2వ ర్యాంకు: లక్ష్మి సామయి మారుతి (తాడికొండ)

3వ ర్యాంకు:మనోజ్‌ కుమార్ (తిరుపతి)

4వ ర్యాంకు: దరశి విష్ణుసాయి( నెల్లూరు)

5వ ర్యాంకు: సుభాంగ్ ( హైదరాబాద్)

6వ ర్యాంకు: హవీష్‌రెడ్డి(హైదరాబాద్)

7వ ర్యాంకు: లిఖిత (కడప)

8వ ర్యాంకు: జడ వెంకటవినయ్(వేంపల్లి)

9వ ర్యాంకు: నితిన్ వర్మ(కర్నూలు)

10వ ర్యాంకు: రేవంత్ (గుంటూరు)

AP EAMCET Results | ఏపీఎంసెట్ ఫలితాలు వెల్లడి.. ఉత్తీర్ణత వివరాలు ఇలా


ఏపీ ఎంసెట్‌–2020 ఫలితాలు శనివారం విడుదల అయ్యాయి. రాష్ట్రంలో ఇంజనీరింగ్, అగ్రికల్చర్, ఫార్మా తదితర కోర్సుల్లో ప్రవేశాల కోసం నిర్వహించిన ఏపీ ఎంసెట్ ఫలితాలను విద్యాశాఖ మంత్రి ఆదిమూలపు సురేష్‌ విడుదల చేశారు. ఇంజినీరింగ్‌లో 84.78 శాతం, అగ్రికల్చర్‌, మెడిసిన్‌ విభాగంలో 91.77 శాతం ఉత్తీర్ణత సాధించినట్లు మంత్రి వెల్లడించారు. విద్యార్థుల మొబైల్‌ నంబర్లకు కూడా ర్యాంకుల వివరాలు వస్తాయని మంత్రి ఆదిమూలపు సురేష్‌ తెలిపారు. విద్యార్థులు ఎంసెట్‌ ఫలితాలను వెబ్‌సైట్‌లో చూసుకోవచ్చు

ఆన్‌లైన్‌ (సీబీటీ) విధానంలో జరిగిన ఈ పరీక్షలను హైదరాబాద్‌తో పాటు ఏపీలోని మొత్తం 47 నగరాల్లో 118 కేంద్రాల్లో నిర్వహించారు. గత నెల సెప్టెంబర్‌ 17వ తేదీ నుంచి 25 వరకు ఉదయం, మధ్యాహ్నం మొత్తం 14 సెషన్లలో పరీక్షలు జరిగాయి. 9 సెషన్లలో జరిగిన ఇంజనీరింగ్‌ విభాగానికి 1,85,946 మంది దరఖాస్తు చేయగా 1,56,899 మంది (84.38 శాతం) పరీక్ష రాశారు. ఈనెల 23వ తేదీ నుంచి 25 వరకు అగ్రి, మెడికల్‌ విభాగం పరీక్షలు జరగ్గా మొత్తం 87,652 మందికి గాను 75,834 (86.52%) మంది హాజరయ్యారు. ఇంజనీరింగ్‌ విభాగంతో  1,33,066 మంది విద్యార్థులు, అగ్రికల్చర్‌, మెడిసిన్ విభాగంలో 69,616 మంది విద్యార్థులు ఉత్తీర్ణత సాధించారు.

ఫలితాల కోసం క్లిక్ చేయండి..


AP EAMCET 2020 Results | ఏపీ ఎంసెట్ ఫలితాలు విడుదల


 
ఏపీ ఎంసెట్ (AP EAMCET Result)‌ వచ్చేశాయి. విజయవాడలో ఏపీ విద్యాశాఖ మంత్రి ఆదిమూలపు సురేశ్ శనివారం (అక్టోబరు10) ఎంసెట్ ఫలితాలను విడుదల చేశారు. అభ్యర్థులు అధికారిక వెబ్‌సైట్‌తోపాటు ఇతర వెబ్‌సైట్లలోనూ ఫలితాలను చూసుకోవచ్చు. ఫలితాల కోసం అభ్యర్థులు తమ రిజిస్ట్రేషన్ నెంబర్, ఎంసెట్ హాల్‌టికెట్ నెంబరు, పుట్టిన తేదీ వివరాలను నమోదచేయాల్సి ఉంటుంది.


ఫలితాల కోసం క్లిక్ చేయండి (వెబ్‌సైట్-2)..

ఇతర వెబ్‌సైట్లు...



వాస్తవానికి ముందుగా ప్రకటించిన షెడ్యూల్‌ ప్రకారం అక్టోబరు 9న ఎంసెట్ ఫలితాలను విడుదల చేయాల్సి ఉంది. తెలంగాణ ఎంసెట్ (Telangana EAMCET)‌ ఫలితాల్లో చోటుచేసుకున్న సమస్యల కారణంగా.. అలాంటి పరిస్థితుల మాదిరే ఇక్కడా ఏమైనా ఉంటాయేమో అనే అనుమానంతో.. మరోసారి ఫలితాలను క్షుణ్నంగా పరిశీలించాకే విడుదల చేశారు.

Also Read: CBSE 12th Compartment Result 2020: సీబీఎస్‌ఈ 12వ తరగతి కంపార్ట్‌మెంట్‌ ఫలితాలు విడుదల

లాక్‌డౌన్ కారణంగా కరోనా నిబంధనలు పాటిస్తూ ఎంసెట్ పరీక్షలను గత నెల సెప్టెంబర్‌లో రాష్ట్ర ప్రభుత్వం నిర్వహించిన సంగతి తెలిసిందే.

ఎంసెట్ 2020 (AP EAMCET) ఇంజినీరింగ్‌కు సుమారు 1,85,946 మంది దరఖాస్తు చేసుకోగా.. 84. 38 శాతం(సుమారు 1,56,899) మంది విద్యార్ధులు పరీక్షలకు హాజరయ్యారు.

ఇక అగ్రికల్చర్, ఫార్మసీ పరీక్షలకు 87,652 మంది దరఖాస్తు చేసుకోగా.. 75,834 మంది పరీక్షలు రాశారు. వీటి ఫలితాలను అక్టోబరు 10న వెల్లడించనున్నారు.

ఫలితాలు ఇలా చూసుకోండి..

  •  Visit the official website of AP EAMCET 2020
  • Open the link and search for ‘AP EAMCET-2020 Results’ link.
  • Enter your registration number and date of birth.
  • Click on ‘View Results’.
  • The results will be displayed on your screen.
  • Take a printout of the result and secure till counselling procedure.

మరిన్ని విద్యాసంబంద కథనాల కోసం క్లిక్ చేయండి.. 

Tuesday, October 6, 2020

TSPSC Group 4 Results | గ్రూప్‌-4 ఫలితాలు విడుదల

తెలంగాణ (Telangana) లో మరో కీలక నోటిఫికేషన్‌కు సంబంధించిన ఫలితాలు వెల్లడయ్యాయి. తెలంగాణ ప‌బ్లిక్ స‌ర్వీస్ క‌మిష‌న్‌ (TSPSC) గ్రూప్ -4 ఫ‌లితాల‌ను విడుద‌ల చేసింది. ఈ మేరకు మంగళవారం (అక్టోబరు 6) సాయంత్రం టీఎస్‌పీఎస్సీ కార్యదర్శి వాణీ ప్రసాద్ ఈ ఫలితాలను విడుదల చేశారు. 

2018లో 1,595 గ్రూప్‌-4 ఉద్యోగాల భర్తీకి నోటిఫికేష‌న్ విడుదల అయింది. వాటికి సంబంధించిన ఫలితాలను టీఎస్‌పీఎస్సీ తాజాగా విడుద‌ల చేసింది. అయితే ఎంపికైన అభ్య‌ర్థుల జాబితా కోసం అధికారిక ‌వెబ్‌సైట్‌ను లాగిన్ అవ్వాలి.

జూనియర్ అసిస్టెంట్, టైపిస్ట్, జూనియర్ స్టెనో అండ్ జూనియర్ అసిస్టెంట్ కమ్ టైపిస్ట్ ఉద్యోగాల ఫలితాల కోసం క్లిక్ చేయండి

ఇదిలాఉంటే.. ఈ గ్రూప్‌-4 నోటిఫికేషన్‌ ప్రక్రియ నేటితో ముగియనుంది. ఇదిలాఉంటే.. తెలంగాణ స్టేట్ పబ్లిక్ సర్వీస్ కమిషన్ ద్వారా ఇప్ప‌టి వ‌ర‌కు 30,723 నియామకాల‌ను చేప‌ట్టిన‌ట్లు కార్య‌ద‌ర్శి వాణి ప్ర‌సాద్ తెలిపారు.

Monday, October 5, 2020

TS EAMCET Results | తెలంగాణ ఎంసెట్ ఫలితాలు విడుదల.. 75.29 శాతం ఉత్తీర్ణత నమోదు


 తెలంగాణలో ఎంసెట్ ఇంజినీరింగ్ (టీఎస్ ఎంసెట్) ప్రవేశపరీక్ష ఫ‌లితాలు మంగ‌ళ‌వారం (అక్టోబరు 6న) విడుద‌లయ్యాయి. మ‌ధ్యాహ్నం 3:30 గంట‌ల‌కు కూక‌ట్‌ప‌ల్లిలోని జేఎన్టీయూ క్యాంప‌స్‌లో విద్యాశాఖ మంత్రి స‌బితా ఇంద్రారెడ్డి ఫలితాలను విడుద‌ల చేశారు. పరీక్షకు హాజరైన విద్యార్థులు వివిధ వెబ్‌సైట్ల‌ ద్వారా తమ ఫలితాలను చూసుకోవచ్చు. 

ఎంసెట్‌లో 75.29శాతం ఉత్తీర్ణత నమోదైంది. మొత్తం 89,734మంది విద్యార్థులు అర్హత సాధించారు.

ఎంసెట్ ఫలితాల కోసం క్లిక్ చేయండి (వెబ్‌సైట్-1)..


ఎంసెట్ ఫలితాల కోసం క్లిక్ చేయండి (వెబ్‌సైట్-2)..


9 నుంచి కౌన్సెలింగ్ ప్రక్రియ..
ఎంసెట్ పరీక్షలో అర్హత సాధించిన విద్యార్థులు అక్టోబరు 9 నుంచి కౌన్సెలింగ్ ప్రక్రియ ప్రారంభంకానుంది. అక్టోబరు 9 నుంచి 17 వరకు ఆన్‌లైన్‌లో స్లాట్ల నమోదు చేసుకోవాల్సి ఉంటుంది. ఇక అక్టోబరు 12 నుంచి 18 వరకు అభ్యర్థుల ధ్రువపత్రాలను పరిశీలించనున్నారు.

సర్టిఫికేట్ వెరిఫికేషన్ పూర్తయిన అభ్యర్థులు అక్టోబరు 12 నుంచి 20 వరకు వెబ్‌ ఆప్షన్లు ఇచ్చుకోవాల్సి ఉంటుంది. అక్టోబరు 22న మొదటి విడత ఇంజినీరింగ్‌ సీట్లను కేటాయించనున్నారు.

అక్టోబరు 29 నుంచి ఎంసెట్‌ తుది విడత కౌన్సెలింగ్‌ ప్రక్రియ జరుగనుంది. అక్టోబరు 30న తుది విడత ధ్రువపత్రాల పరిశీలిస్తారు. అక్టోబరు 30, 31 తేదీల్లో తుది విడుత ఎంసెట్‌ వెబ్‌ ఆప్షన్లు ఇచ్చుకోవచ్చు. వీరికి నవంబర్‌ 2న సీట్లను కేటాయించనున్నారు.

కౌన్సెలింగ్ పూర్తయిన తర్వాత కూడా మిగిలిన సీట్ల భర్తీకి నవంబరు 4న స్పాట్‌ అడ్మిషన్ల మార్గదర్శకాలను అధికారులు విడుదల చేయనున్నారు.

మరిన్ని విద్యాఉద్యోగ సంబంధిత కథనాల కోసం క్లిక్ చేయండి..

Sunday, October 4, 2020

JEE Advanced 2020 Results | జేఈఈ అడ్వాన్స్‌డ్ ఫ‌లితాలు విడుదల


దేశంలోని ప్రతిష్ఠాత్మక విద్యాసంస్థలైన‌ ఐఐటీల్లో ప్రవేశాల‌కోసం నిర్వహించిన‌ జేఈఈ అడ్వాన్స్‌డ్‌ ఫ‌లితాలు సోమవారం(అక్టోబరు 5) విడుదలయ్యాయి. ఉదయం 10 గంట‌ల‌కు ఐఐటీ ఢిల్లీ ఫలితాలను విడుద‌ల చేసింది. విద్యార్థులు అధికారిక వెబ్‌‌సైట్ ద్వారా తమ ఫలితాలను చూసుకోవచ్చు.

ఫలితాలతోపాటు కటాఫ్ మార్కుల వివరాలను కూడా ఐఐటీ ఢిల్లీ ప్రకటించింది. జేఈఈ అడ్వాన్స్‌డ్ పరీక్షలో వచ్చిన ర్యాంకు ఆధారంగా దేశంలోని 23 ఐఐటీల్లో ఉన్న 13,600 సీట్లను భ‌ర్తీ చేయ‌నున్నారు.

సెప్టెంబరు 27న దేశ‌వ్యాప్తంగా 222 ప‌ట్టణాల్లో 1,001 కేంద్రాల్లో జేఈఈ అడ్వాన్స్‌డ్ ప‌రీక్ష నిర్వహించారు. ప‌రీక్షకు ద‌ర‌ఖాస్తు చేసుకున్నవారిలో 96 శాతం మంది విద్యార్థులు ప‌రీక్షకు హాజ‌ర‌య్యారు. వీరిలో పేప‌ర్-1 పరీక్షకు 1,51,311 మంది విద్యార్థులు, పేప‌ర్-2 పరీక్షకు 1,50,900 మంది విద్యార్థులు హాజరయ్యారు.

అక్టోబరు 6 నుంచి కౌన్సెలింగ్ ప్రక్రియ
అక్టోబరు 6 నుంచి ప్రవేశ ప్రక్రియ (జోసా) ప్రారంభ‌ంకానుంది. న‌వంబ‌ర్ 13 వ‌ర‌కు మొత్తం ఆరు విడుత‌ల్లో కౌన్సెలింగ్ నిర్వహిస్తారు. ఐఐటీలు, ఎన్ఐటీలు, ట్రిపుల్ ఐటీల్లో ప్రవేశాల‌కు అక్టోబరు 6 నుంచి కౌన్సెలింగ్ ఉంటుంది.

Joint Seat Allocation Authority (JoSAA) 2020 Website

TS EAMCET for Corona Candidates | ‘క‌రోనా’ అభ్యర్థు‌లకు అక్టోబరు 8న ఎంసెట్‌

 




అక్టోబరు 5తో ముగియనున్న దరఖాస్తు గడువు


కరోనా బారి‌న‌ప‌డి సెప్టెంబరు 9 నుంచి 14‌ వ‌రకు నిర్వహించిన తెలంగాణ ఎంసె‌ట్‌కు హాజ‌రు‌కా‌లే‌క‌పో‌యిన విద్యార్థుల కోసం అక్టోబరు 8న ప్రత్యే‌కంగా ఎంసెట్‌ నిర్వహించనున్నారు. ఈ మేరకు పరీక్ష నిర్వహణకు అన్ని ఏర్పా‌ట్లు‌ చే‌స్తు‌న్నా‌మని కన్వీ‌నర్‌ ప్రొఫె‌సర్‌ గోవ‌ర్ధన్‌ ఒక ప్రకటనలో తెలిపారు.

Also Readకేయూలో దూర‌విద్య యూజీ, పీజీ ప్రవేశాలు

పరీక్షకు హాజరయ్యే విద్యార్థులు కరోనా పాజి‌టివ్‌, నెగె‌టివ్‌ సర్టి‌ఫి‌కె‌ట్లతో‌పాటు హాల్‌టికెట్‌ కూడా కన్వీ‌నర్‌ ఈమెయి‌ల్‌కు అక్టోబరు 5 అర్ధరా‌త్రి‌లోగా పంపాలని ఆయన సూచిం‌చారు.

Also Read:  Midhani Jobs: మిశ్రధాతు నిగం లిమిటెడ్‌లో ఉద్యోగాలు.. 

వీరికి పరీక్ష కేంద్రం, సీబీటీ కోసం స్లాట్‌ బుక్‌‌చేసి, ఆ సమా‌చా‌రాన్ని తెలి‌య‌జే‌స్తా‌మని వివ‌రిం‌చారు. ఇందుకు convenertseamcet2020@jntuh.ac.inను సంప్రదిం‌చా‌లని తెలి‌పారు.

Officaial Website

మరిన్ని విద్యాఉద్యోగ సంబంధిత కథనాల కోసం క్లిక్ చేయండి..


Saturday, October 3, 2020

Moratorium | రుణాలపై వడ్డీ మాఫీ.. సామాన్యుడికి భారీ ఊరట


 
కరోనా నేపథ్యంలో లాక్‌డౌన్ పరిణామాల కారణంగా రిజర్వ్ బ్యాంక్ ఆఫ్ ఇండియా రుణాలపై మారటోరియం తీసుకొచ్చిన సంగతి తెలిసిందే. అయితే గడువు ముగిసిన తర్వాత వడ్డీ మీదవడ్డీ వసూళ్లపై సుప్రీంకోర్టులో పిటిషన్లు దాఖలయ్యాయి. ఈ నేపథ్యంలో 6 నెలల మారటోరియం కాలం (మార్చి1- ఆగస్టు 31)లో వడ్డీని వదులుకునే భారాన్ని ప్రభుత్వం భరించడమే ఏకైక పరిష్కారం అని కేంద్రం సుప్రీంకోర్టుకు సమర్పించిన అఫిడవిట్‌లో పేర్కొంది. 


ఈ నిర్ణయంతో సూక్ష్మ, చిన్న మధ్య తరహా పరిశ్రమలు (ఎంఎస్‌ఎంఇ)లతో పాటు, వ్యక్తిగత, విద్య, గృహ, కన్స్యూమర్ డ్యూరబుల్స్, క్రెడిట్ కార్డ్ బకాయిలు, ఆటో మొదలైన చిన్నరుణగ్రహీతలకు ఈ మినహాయింపు భారీ ఉపశమనం లభించనుంది. తాత్కాలిక నిషేధాన్ని పొందారా అనే దానితో సంబంధం లేకుండా వడ్డీపై మాఫీ అమలు కానుంది. ఈ మేరకు, మాజీ కంట్రోలర్ ఆండ్ ఆడిటర్ జనరల్ రాజీవ్ మహర్షి కమిటీ ఇచ్చిన సూచనలను కేంద్రం ఆమోదించింది.

దేశం ఎదుర్కొంటున్న సంక్షోభ స్థితిలో రుణగ్రహీతలకు సహాయం చేసేందుకు మారటోరియం కాలంలో వడ్డీపై వడ్డీని వదులుకోవడం వల్ల కలిగే భారాన్ని భరించాలని ప్రభుత్వం నిర్ణయించిందని ఆర్థిక మంత్రిత్వ శాఖ వెల్లడించింది. వడ్డీని మాఫీ చేస్తే బ్యాంకులపై 6 లక్షల కోట్ల భారం పడుతుందని పేర్కొంది. 

కాగా కరోనా మహమ్మారి సంక్షోభం, లాక్‌డౌన్‌ కారణంగా అన్ని రుణాలపై రిజర్వ్ బ్యాంక్ ఆఫ్ ఇండియా ఆరు నెలల తాత్కాలిక నిషేధాన్ని విధించింది. అయితే వడ్డీ మీదవడ్డీ వసూళ్లపై సుప్రీం దాఖలైన పిటిషన్లపై సుప్రీంకోర్టు సీరియస్‌గా స్పందించింది. ఆర్బీఐ వెనక దాక్కుంటారా, వ్యాపారమే ముఖ్యం కాదు, ప్రజలకు ఊరట కలిగించడం ప్రధానమే అంటూ సుప్రీంకోర్టు కేంద్ర ప్రభుత్వాన్ని నిలదీసిన సంగతి తెలిసిందే. 



   

Midhani Jobs | మిశ్రధాతు నిగం లిమిటెడ్‌లో ఉద్యోగాలు


మిశ్రధాతు నిగం లిమిటెడ్ (మిధాని) ఐటిఐ ట్రేడ్ అప్రెంటిస్ ఖాళీల భర్తీకి దరఖాస్తులు కోరుతుంది. ఆసక్తి గల అభ్యర్థులు ఆఫ్‌లైన్ ద్వారా దరఖాస్తుచేసుకోవాల్సి ఉంటుంది.

వివరాలు..

★ మొత్తం ఖాళీలు: 158

★ ఐటిఐ ట్రేడ్ అప్రెంటిస్

Read Also: Army Public School’లో 8000 టీచింగ్ పోస్టులు.. వివరాలు

విభాగాలు-ఖాళీలు:
 ఫిట్టర్: 50
 ఎలక్ట్రీషియన్: 48
 మెషినిస్ట్: 20
 టర్నర్: 20
 వెల్డర్: 20

అర్హత: అభ్యర్థులు ఐటిఐ (సంబంధిత ట్రేడ్స్) కలిగి ఉండాలి.

Read Also: PNB Jobs: పీఎన్‌బీలో 535 స్పెష‌లిస్ట్ ఆఫీస‌ర్ పోస్టులు

దరఖాస్తు విధానం: ఆఫ్‌లైన్ ద్వారా.

ఎంపిక విధానం: మెరిట్ (ITI – NCVT) ఆధారంగా అభ్యర్థుల ఎంపిక నిర్ణయించబడుతుంది. తుది ఎంపిక సర్టిఫికేట్ ధృవీకరణకు లోబడి ఉంటుంది మరియు మెడికల్ ఫిట్‌నెస్.

దరఖాస్తు హర్డు కాపి పంపడానికి చివరితేది: 16-10-2020.

దరఖాస్తు హర్డు కాపిలు పంపాల్సిన చిరునామా:
Deputy Manager (TIS &Apprenticeship Training),
Mishra Dhatu Nigam Limited,
Kanchanbagh, Hyderabad – 500058

Notification 

Apprentice Registration 

Website 

మరిన్ని ప్రభుత్వ ఉద్యోగాల కోసం క్లిక్ చేయండి..